Хүн худалдаалах гэмт хэрэг үйлдэж байсан 14 этгээдийг илрүүлэн баривчилжээ

Хүн худалдаалах гэмт хэрэг үйлдэж байсан 14 этгээдийг илрүүлж дайчлан баривчилжээ. Гэмт хэрэгтнүүд 20 эмэгтэйд хүч хэрэглэн, биеийг нь үнэлүүлж байсныг тогтоосон байна. Өсвөр насны хүүхдүүдийг айлган сүрдүүлж хүчээр биеийг нь үнэлүүлэх гэмт хэрэг өмнөх оноос 10 хувиар өсчээ. Хүн худалдаалах гэмт хэрэг үйлдэлж байгаа хүмүүсийн дийлэнх нь насанд хүрсэн эмэгтэй хүн байна. Гудамж талбай, олон нийтийн газар насанд хүрээгүй хүүхдүүдийг зогсоож үйлчлүүлэгч олох, саун массажны газар массажист нэрээр халхавчилж хүчээр биеийг нь үнэлүүлэх тохиолдлууд бүртгэгдэж, шалгалтын ажиллагаа явуулж байгаа талаар Эрүүгийн цагдаагийн албанаас мэдээлэв. Цахим орчинд харилцаж байгаа хэн нэгэнд итгэж хувь хүний нууцтай холбоотой нүцгэн дүрс бичлэг, зураг зэргийг шууд дамжуулж байгаа нь энэ төрлийн гэмт хэрэгт өртөж хохирох томоохон шалтгаан болж байгаа талаар анхаарууллаа. Энэ оны 10 сарын байдлаар хүн худалдаалах бэлгийн мөлжлөгт өртсөн 50 эмэгтэйг түр хамгаалах байрт авчээ. Тэдний 20 нь өсвөр насны хүүхэд байна. Хууль эрх зүйн орчин насанд хүрээгүй хүүхдийн биеийг үнэлүүлсэн бол хүчингийн гэмт хэрэгтэй адилтгаж авч үзэх ёстойг хүний эрхийн мэргэжилтнүүд хэлж байна.