Энэ оны эхний 10 сард аюулт үзэгдэл, ослын улмаас 47 тэрбум төгрөгийн хохирол учирчээ

Аюулт үзэгдэл, ослын 3601 тохиолдол 2023 оны эхний 10 сард бүртгэгдсэн нь өмнөх оны мөн үеэс 54 (1.5%)-өөр өссөн байна. Оны эхний 10 сарын байдлаар: Үер 107 Газар хөдлөлт 77 Объектын түймэр 2476 Ой, хээрийн түймэр 100 Усны осол 70 тус тус бүртгэгдсэн байна. Тохиолдсон аюулт үзэгдэл, осолд 2023 оны эхний 10 сарын байдлаар нийт 535 хүн нэрвэгдсэн байна. Түүнчлэн аюулт үзэгдэл, ослын улмаас 2023 оны эхний 10 сарын байдлаар 47.1 тэрбум төгрөгийн хохирол учирч, 0.8 тэрбум төгрөг зарцуулжээ. Аюулт үзэгдэл: Хүчтэй цасан болон шороон шуурга, ган, зуд, үер, аянга, газар хөдлөлт, гал түймэр, хүн, мал, амьтны гоц халдварт өвчин гарах, хортон шавж, мэрэгч тархах зэргийг хэлнэ.