"Гарал үүслийн гэрчилгээ"-гүй мал, мах борлуулбал 150 мянган төгрөгөөр торгоно

Иргэн та идэшинд хүнсээ бэлтгэн авч буцахдаа, зах зээлд борлуулах гэж буй мал, махныхаа амьд байх үеийн зураг болон төхөөрсний дараах үеийн зургийг авч ирж, тухайн багийн хариуцсан Мал эмнэлгийн үйлчилгээний нэгжийн эмчээр мал эмнэлгийн гэрчилгээ (малын гарал үүслийн гэрчилгээ) бичүүлж, улсын байцаагчаар баталгаажуулж явна уу. Гэрээсээ болон замд гарсны дараа нь мал эмнэлгийн гэрчилгээ бичүүлэх боломжгүй, улсын байцаагч баталгаажуулахгүй. Асуудал гарвал хариуцлагыг тээвэрлэгч өөрөө бүрэн хүлээнэ гэдгийг анхаарууллаа. Нэг мал зарж борлуулсан ч гэрчилгээ бичүүлж баталгаажуулалх шаардлагатай аж. Мал, мах бэлтгэлийн зориулалтаар гарал үүслийн гэрчилгээгүй мал тууварласан, мал мах тээвэрлэсэн, борлуулсан хүнийг 150 нэгж буюу 150 мянган төгрөгөөр торгох заалттай.