Сэтгүүлч Н.Өнөрцэцэгт хилийн хориг тавилаа

Шүүхийн ерөнхий зөвлөлөөс Зариг.мн сайтын ерөнхий эрхлэгч, сэтгүүлч Н.Өнөрцэцэгийг шүүхийн байгууллагын нэр хүндэд халдсан, шүүхэд нөлөөлсөн гэж прокурорын байгууллагад гомдол гаргасан байдаг.  Тодруулбал, түүнийг Хэнтий аймгийн шүүхийн хэлэлцсэн найман ишиг хулгайлсан гэх хэргийг сурвалжилж, мөн иргэдийн индэр ажлуулсан нь шүүхийн нэр хүндэд халдаж, нөлөөлсөн гэж буруутгаад байгаа юм. Шүүхийн ерөнхий зөвлөлөөс нийслэлийн Чингэлтэй дүүргийн прокурорын газарт гомдол гаргасан бөгөөд өнгөрсөн долоо хоногт нийслэлийн Чингэлтэй дүүргийн прокурорын байгууллагаас Н.Өнөрцэцэгийг яллагдагчаар татахаа мэдэгдэж, дуудан ирүүлэх прокурорын мэдэгдэх хуудас ирүүлсэн билээ. Тэгвэл үүнтэй холбоотойгоор сэтгүүлч Н.Өнөрцэцэгт хилийн хориг тавих тухай прокурорын саналыг  Чингэлтэй дүүргийн  Эрүүгийн хэргийн анхан шатны шүүхээр хэлэлцэж, түүнд хилийн хориг тавилаа.