Жилд 800-4000 шонхор хүчдэлд цохиулж үхдэг

Байгаль орчин, аялал жуулчлалын яамнаас цаг үеийн асуудлаар мэдээлэл өглөө. Энэ үеэр Байгаль орчин, аялал жуулчлалын яамны байгалийн нөөцийн бодлого зохицуулалтын газрын дарга Ц.Уранчимэг идлэг шонхор шувууны талаар мэдээлэл өглөө. "Монгол орны нийт нутаг дэвсгэрийн 46 хувьд идлэг шонхор шувуу тархах бөгөөд үүнээс 12 хувь энэ зүйл шувууны голомт нутаг юм. Үндсэндээ 12 аймагт идлэг шонхор шувуу тархан амьдардаг гэсэн судалгаа бий. Шинжлэх Ухааны Академийн Биологийн хүрээлэнгийн хийсэн судалгаагаар манай улс 10380 толгой идлэг шонхор шувууны нөөцтэй болохыг тогтоосон байдаг. Таван жил тутамд судалгааг хийдэг. Зэрлэг амьтан ургамлын ховордсон зүйлийн гадаад худалдааг зохицуулах тухай конвенцоос жил бүр 300 хүртэлх тоо толгой идлэг шонхор шувууг барьж ашиглахыг зөвлөсөн байдаг. БОАЖЯ-ны сайдын 2018 оны тушаалаар Монгол улсын нутаг дэвсгэрт идлэг шонхор шувууг барих, тээвэрлэх, арчлах, гадаад улсад гаргах үйл ажиллагаанд мөрдөх журмыг хэрэгжүүлэн ажиллаж байгаа. 2019 оны 293 дугаар тогтоолоор идлэг шонхор шувууг ашиглах зорилгоор гадаадад гаргахыг хориглосон. Зөвхөн соёлын зориулалтаар өндөр дээд хэмжээний төлөөлөгч нарт бэлгэдлийн зориулалтаар албаны нууцын зэрэглэлд олгож ирсэн. Идлэг шонхор шувууг хоёр орны дипломат харилцааг хөгжүүлэхэд үнэтэй хувь нэмэр оруулсан гадаад орны төрийн өндөр дээд түвшний албан тушаалтнуудад соёлын журмаар буюу бэлэглэх журмаар бариулах эрхийг МУ-ын засгийн газрын 2023 оны 264 дүгээр тогтоолоор идлэг шонхор шувууны тоог 350 болгож өгсөн. Манай улсын 12 аймагт 10 мянга 380 идлэг шонхор бий. идлэг шонхор шувууг гадаад улсад гаргасан орлогоос тухайн орон нутаг жилдээ 14 тэрбум төгрөг төвлөрүүлдэг. Нэг шувууны үнэлгээ 26 сая 100 мянган төгрөг байдаг" гэлээ.