ААН, байгууллагууд халаалтын зардлаа бууруулахын тулд термостат хаалт суурилуулахыг зөвлөлөө

Эрчим хүчний системийн 2023.12.12-ноос 2023.12.18-ны өдрийн 7 хоногийн оргил ачааллаас харвал хамгийн их оргил ачаалал 2023.12.18-ны өдрийн 19.00 цагт 1618 МВт, хамгийн их импорт 2023.12.17-ний өдөр 307 МВт хүрсэн байна. Аж ахуйн нэгж байгууллагууд халаалтын зардлыг бууруулахын тулд термостат хаалт суурилуулах, тоолуур суурилуулах, шөнийн цагаар, амралтын болон баяр ёслолын өдрүүдэд температурыг бага байлгах, спортоор хичээллэхэд зориулагдсан өрөө, уулзалт, урлагийн танхимын температурыг тохируулах хэрэгтэйг зөвлөлөө. Халаах хэрэгсэл дээрээ тохируулах термостат хаалт суурилуулснаар  удаан хугацаагаар гарах тохиолдолд халаалтын хэрэгслийнхээ дулаан өгөлтийг багасгаж температурыг бууруулах тохируулга хийж хэмнэж болно. Буцаж ирээд л тохируулгаа буцаагаад илүү сайн халахаар болгож тохируулах боломжтой юм.