Хөлдсөн хэсэг хүйтэн, эрс хатуурсан бол цэврүү үүсэж арьс үхэждэг

Баяр ёслолын сартай холбогдуулан архи, согтууруулах ундаа хэтрүүлэн хэрэглэж осголт, хөлдөлт, архины хордлогод орж амь нас, эрүүл мэндээрээ хохирох тохиолдол ихэсдэг тул иргэд та бүхэн эрсдэлээс өөрийгөө болон хайртай дотны хүмүүсээ хамгаалаарай. Сүүлийн зургаан хоногийн хугацаанд Гэмтэл согог судлалын үндэсний төвийн Салбар эмнэлгийн Яаралтай тусламжийн тасагт осголт, хөлдөлтийн улмаас 67 иргэн тусламж үйлчилгээ авчээ. 2022 онд осголт хөлдөлтийн нийт тохиолдол нийт 138 байсан бол, 2023 оны 12 дугаар сарын 01-нээс 20-ны өдрийг хүртэлх хугацаанд нийт 112 тохиолдол бүртгэгдсэн байна. Хөлдөлтийн үе шат 1. Арьс цайж хатуурах боловч, гэссэний дараа судас өргөссөнөөс, улайж хавагнана. 2. Жижиг үений хөдөлгөөн хязгаарлагдаж, хөдөлгөхөд өвдөлттэй, арьс хатуурч цайран цэврүү үүснэ. 3. Хөлдсөн хэсэг хүйтэн, эрс хатуурсан байна. Том, том цэврүүнүүд үүснэ. Арьс үхэжнэ .Өөх булчин хүртэл гүнзгий шархлаа үүснэ. 4. Яс, үендээ хүртэл гүн хөлдөлт үүснэ.Гэссэний дараа арьс харлана, хатна, үхэжнэ. Хөлдөлтийн үед үзүүлэх анхны тусламж Аажим дотроос нь гэсгээх – хөлдсөн мөчийг дулаан хучиж, гялгар уут углаад 5–6 цагийн турш бүлээн жин тавих Хөлдсөн мөчийг уламжлалт аргаар гэсгээх–хүйтэн усанд дүрээд аажим усны температурыг нэмж, иллэг хийх Идэвхитэй аргаар бүлээн усанд гэсгээх–халуун устай ваннанд 30–45 минутын турш дүрнэ. Усны температур 38-40 орчим хэм байна.