Өдрийн цайны завсарлагааны 1 цаг суурин компьютерыг унтрааснаар жилд 8900 төгрөг хэмнэнэ

Эрчим хүчний системийн 2024.01.01-ний өдрийн оргил ачаалал 19.00 цагт 1257 МВт хүрч өнгөрсөн оны мөн үеэс 85 МВт-аар, импорт 66 МВт-аар тус тус буурсан байна. Өдрийн цайны завсарлагааны нэг цагийн хугацаанд суурин компьютерыг унтрааснаар жилд 8900 төгрөг хэмнэнэ. Танай байгууллага олон компьютертэй бол тэр хэмжээгээр зардлаа бууруулна. Улаанбаатар хотод идэвхтэй үйл ажиллагаа явуулж байгаа 72,000–аад аж ахуйн нэгж, байгууллагаар тооцвол улсын хэмжээнд жилд 6,408,000,000 төгрөгийг үр ашиггүй зарцуулдаг байна. Settings - Control panel - Power options - Turn off the display - 1 minutes тохиргоог хийснээр шаардлагагүй үед дэлгэцийг бүрэн унтрааж, компьютерын эрчим хүч зарцуулалтыг 40 хүртэл хувь бууруулах боломжтой.