МАН-ын бүлэг: Сонгуулийн сурталчилгаа хийх олон дагагчтай хүмүүсийг бүртгэхгүй

УИХ дахь МАН-ын бүлэг даваа гарагийн ээлжит хуралдаанаас гаргасан шийдвэрийн талаар бүлгийн дарга Д.Тогтохсүрэн, дэд дарга М.Оюунчимэг, УИХ-ын гишүүн Б.Баттөмөр  нар танилцууллаа. МАН-ын бүлгийн дарга Д.Тогтохсүрэн: "Олон дагагчтай инфлүүнсрүүд өөрсдийн хөтлөн явуулдаг цахим хуудсаараа сурталчилгаа явуулахаар бол заавал бүртгүүлнэ гээд СЕХ-ны ажилтан хэлсэн байна. Ийм ойлголт байхгүй. Олон ухуулагч дагагчтай хүнээ ухуулагчаар ажиллуулах эсэх нь тухайн нэр дэвшигчийн асуудал" гэсэн юм. Банкны хуультай холбогдуулан УИХ-ын гишүүн Б.Баттөмөр: "Нийт банкны 20 доошгүй хувийг 2023 оны арванхоёрдугаар сарын 31-ээс арилжаалах үүрэг даалгавар өгөгдсөн. Өнөөдрийн байдлаар 5 банк хувьцаагаа арилжаалж, 70 мянган хувьцаа эзэмшигчтэй болсон. Цаашид мэргэжлийн хөрөнгө оруулагчдыг оруулж ирэх шаардлагатай байгаа учраас хувьцаа арилжаалах хугацааг сунгалаа. Мөн нэг банкны хувьцаа эзэмшигч нөгөө банкны хувьцаа эзэмшигч байхыг зөвшөөрч байгаа" гэлээ.