ЗӨВЛӨМЖ: Газны хордлогын үед илрэх шинж тэмдэг, авах арга хэмжээ

Өнгөрсөн шөнийн ослын улмаас ойр орчмын агаар, хөрс, барилга байгууламжын хана гадаргууд байгалийн хийн газны бодис, үнс наалдаж бохирдсон байгаа тул тухайн орчимд амьдардаг, ажилладаг иргэдийг маск зүүх болон ямар нэг шинж тэмдэг илрэвэл, шаардлагатай тохиолдолд мэргэжлийн байгууллагат хандахыг зөвлөж байна. Ахуйн хийн найрлагад бутан, пропан, хүхэр зэрэг хүний биед сөрөг нөлөөтэй олон хортой химийн бодис агуулагддаг. Байгалийн хий нь мөн метанаас тогтдог, найрлагад нь этан , пропан , бутан , пентан зэрэг нүүрсустөрөгчид , бага хэмжээгээр нүүрстөрөгчийн давхар исэл , азот , гели ба хүхэртустөрөгч агуулагддаг байна. Ахуйн газны хордлогын үед илрэх шинж тэмдэг: Нүд бүрэлзэх, сонсгол муудах, зүрхний цохилт, цусны даралт ихсэх, булчин чичрэх, арьс салст хөлрөх, амьсгал давхцах, толгой эргэх, дотор муухай оргих, ядрах. Ахуйн газанд хордсон үед авах арга хэмжээ: Хордсон орчноос хурдан гаргах, цонхыг онгойлгох Амьсгалын дутмагшилд орсон эсэхийг шалгана, ухаан алдсан амьсгал зүрх судасны дутагдалд орсон байвал хиймэл амьсгал, зүрхэнд нь иллэг хийх Хүнд үед яаралтай эмнэлэгт хүргэх Түргэн дуудах. Хордлогын шинж тэмдэг ихэсвэл зүрх зогсож үхэлд хүргэх аюултай тул эмч, эмнэлгийн байгууллагат яаралтай хандана уу.