Үүргээ гүйцэтгэж яваад амь эрсэдсэн алба хаагчийн ар гэрийн нийгмийн баталгаанд анхаарах хуулийн төсөл боловсруулна

Үүрэг гүйцэтгэж яваад амь насаа алдсан алба хаагчдын ар гэрийн нийгмийн баталгааны асуудлын талаар холбогдох албаныхан шийдвэрүүдээ танилцуулж байсан. Тухайлбал, орон сууц өгөх, мөнгөн тусламж олгохоор шийдвэрлэсэн ч тодорхой хэмжээнд дэмжлэг болохоос үр хүүхдүүдийнх нь цаашдын амьдралд дорвитой нөлөөлж чадахгүйг иргэд олон нийтийн сүлжээнд бичсээр буй. Иймээс албан үүргээ гүйцэтгэж яваад амь эрсэдсэн онцгой байдал, цагдаа, дотоодын цэрэг, хилийн цэргийн алба хаагчдын ар гэрт хамгийн бага хүүхдийг нь 18 нас хүртэл тухайн алба хаагчийн үндсэн цалинг нь олгож, гэр бүлд нь гурван өрөө байр өгдөг байх хуулийн төслийг Монгол Улсын Ерөнхийлөгч санаачлан УИХ-ын хаврын чуулганд өргөн барихаар болсныг Ерөнхийлөгчийн хэвлэлийн төлөөлөгч Ө.Золбаяр цахим хуудсаараа дамжуулан мэдэгдэв.