Монгол Улс авлигын индексээр таван байр ухарч түүхэн доод оноо авлаа

"Транспэрэнси Интернэшнл Монгол" ТББ-аас "Авлигын төсөөллийн индекс 2023" тайланг танилцууллаа. Манай улс 2022 онд авлига эрчимтэй хөгжиж буй орнуудын нэгд багтаж байсан бол 2023 оны байдлаар таван оноогоор байр ухарч 33 оноогоор 121 дугаарт эрэмбэлэгдэж, түүхэн доод оноо авсан байна. Манай улсын авлигын индексийн сүүлийн зургаан жилийн оноо 2017 онд 36 оноо авч, 180 улсаас 103 дугаар байрт 2018 онд 37 оноо авч, 180 улсаас 93 дугаар байрт 2019 онд 35 оноо авч, 180 улсаас 106 дугаар байрт 2020 онд 35 оноо авч, 180 улсаас 111 дүгээр байрт 2021 онд 35 оноо авч, 180 улсаас 110 дугаар байрт 2022 онд 33 оноо авч, 180 улсаас 116 дугаар байрт 2023 онд 33 оноо авч 180 улсаас 121 дугаар байрт эрэмбэлэгдэж байна.   Нийт улс орнуудын гуравны хоёр нь 50-аас доош оноо авч авлигын төсөөллийн индексийн дэлхийн дундаж оноо сүүлийн 12 жил дараалан 43 хэвээр байна. Дани улс зургаа дахь жилдээ индексийг тэргүүлж, Финлянд болон Шинэ Зеланд улсууд 87, 85 оноогоор шил мушгиж байна. Харин манай улсын хувьд өнгөрөгч 2023 онд авлигын индексээр таван байр ухарсан байна. Манай улсын хувьд сүүлийн 9 жилд 6 оноо унаж, 48 байр ухарсан бөгөөд түүхэндээ хамгийн дээд оноо авсан нь 2015 онд 72-т эрэмбэлэгдэхдээ 39 оноотой байсан юм.