Нурууны өвчнөө эмчлүүлэх гэж очоод гурван бөөртэйгээ мэджээ

Бразилд төрөлхийн нэг илүү бөөртэй буюу гурван бөөртэй хүн байгааг саяхан  эмч нар илрүүлжээ. Тус улсын 38 настай иргэн нуруу нь өвдөж байна гэсэн зовиуртайгаар Сан Паоло хотын эмнэлэгт хандсан  байна. Эмч түүнийг оношлох явцдаа маш ховор тохиолдол  буюу гурван бөөртэйг илрүүлсэн  байна. Эхлээд түүнийг ивэрхийтэй байж болзошгүй гэж дүгнэсэн ч сайтар үзсэний эцэст  гурвар бөөртэй, нэг бөөр нь зүүн талдаа нөгөө хоёр бөөр нь аарцаг орчимдоо байрлаж байгааг мэджээ. Одоогоор түүний бөөрөнд ямар нэгэн  өвчин зовиур байхгүй,  дотор эрхтэнүүд бүгд хэвийн ажиллаж байгаа юм байна. Төрөлхийн гурван бөөртэй хүн одоогоор анагаах ухааны түүхэнд 100 тохиолдол бүртгэгдээд байгаа бөгөөд ураг эхийн хэвлийд байх үед нэг бөөр нь дахин хуваагдсанаар гурван бөөр үүсдэг гэж үздэг байна.