БНСУ-ын Ерөнхийлөгч Юн Сок Ёолыг огцруулах санал дэмжигдлээ

БНСУ-ын Үндэсний ассамблей огцруулах тогтоолыг өчигдөр буюу 2024 оны 12 дугаар сарын 14-ний өдрийн 19:24 цагт Ерөнхийлөгчийн тамгын газарт хүргүүлж, ерөнхийлөгч Юн Сок Ёолын бүрэн эрхийг түдгэлзүүлссэн байна. Улмаар Ерөнхийлөгч Юн төрийн тэргүүн, гүйцэтгэх засаглалын тэргүүний хувьд Үндсэн хуулиар олгогдсон эрх мэдлээ хэрэгжүүлэх боломжгүй боллоо. Үндэсний Ассамблейн 300 гишүүнээс 204 гишүүн ерөнхийлөгч Юн Сок Ёолд  импичмент явуулах саналыг дэмжиж, 84 гишүүн эсэргүүцжээ. Ерөнхийлөгч Юн Сок Ёол 12 дугаар сарын 14-ний өдөр Үндэсний ассамблей импичментийн хуулийн төслийг баталсны дараа ард түмэндээ хандан "Би хэзээ ч бууж өгөхгүй, түр зогсч байна. Гэхдээ өнгөрсөн хоёр жилийн хугацаанд ард түмэнтэйгээ хамт алхсан. Надруу чиглэсэн бүх шүүмжлэл, урам зориг, дэмжлэгийг санаж, эцсийн мөч хүртэл улс орныхоо төлөө чадах бүхнээ хийх болно” гэжээ.