Цагаан сарын баярын амралтыг 6-10 хоног болгох тухай өргөдөлд гарын үсэг цуглуулж байна

Сар шинийн баярын амралтын өдрүүд богино байгааг иргэд шүүмжилж цагаан сар, наадам гэх үндэсний томоохон баяруудаар урт хугацаанд амрах саналыг гаргаад буй. Тэгвэл уг саналд иргэдийн өргөдлийг цуглуулж эхэлжээ. Нийтийн өргөдлийн "D-Parliament" цахим системд иргэн С.Чулуунпүрэв "Цагаан сарын баярын амралтыг нэмэх, зарим баярын өдрийг хасах" өргөдлийг санаачилж, одоогийн байдлаар 1127 хүн гарын үсэг зуржээ.