УИХ-ын дарга Д.Амарбаясгаланг шалгуулаач гэх шаардлагад 70 гишүүн гарын үсэг зурсан

УИХ-ын гишүүн Д.Энхтүвшин, Б.Чойжилсүрэн, Д.Батлут, Н.Учрал, Ч.Ундрам, Ж.Мэндсайхан, Б.Жавхлан, Ж.Энхбаяр, Б.Батцэцэг, Н.Батшугар тэргүүтэй гишүүд УИХ-ын дарга Д.Амарбаясгаланг бүрэн эрхээсээ түдгэлзэж, шалгуулахыг шаардлаа. 

Энэ үеэр УИХ-ын гишүүн Д.Энхтүвшин, "Сүүлийн үед улс төрийн хүрээнд үүсээд буй нөхцөл байдал улс үндэстний эв нэгдэл, төрийн үйл ажиллагаа тасалдах, ард иргэдийн төрд итгэх итгэлийг сулруулж байна. Тиймээс УИХ-ын дарга Д.Амарбаясгаланг нэр холбогдоод байгаа асуудлуудаа хуулийн байгууллагаар шалгуулаач гэх ёс зүйн шаардлагыг хүргүүлж байна. Бидний энэ шаардлага бол түүнийг огцруулах талаар биш, УИХ-ын даргын бүрэн эрхээсээ түдгэлзэж, нэр холбогдоод байгаа авилга, албан тушаалын гэмт хэргийн шинжтэй байж болзошгүй асуудлыг хуулийн дагуу шалгуулах ёс зүйн шаардлагыг хүргүүлж байна" гэлээ.