Өнөөдөр НҮБ-ын өдөр

Өнөөдөр 10 дугаар сарын 24 – НҮБ-ын өдөр.  НҮБ-ын түүхт 80 жилийн ойг тохиолдуулан Монгол Улсын төрийн далбаа, НҮБ-ын далбааг Төрийн ордонд мандууллаа!

НҮБ нь 80 жилийн тэртээгээс дэлхий дахинд энх тайван, хүний эрх, тогтвортой хөгжил, улс хоорондын эв нэгдлийг бататгах чухал тулгуур болсоор ирлээ.

Монгол Улс НҮБ-д элссэнээс хойш 64 жилийн туршид хамтдаа түншлэл, итгэлцэл, эв нэгдэл, хөгжил дэвшлийн түүхийг бүтээлцэж ирлээ. Өнөөдөр энэхүү түүхт ойн өдрийг тохиолдуулан Монгол Улсын Төрийн ордонд Монгол Улсын болон НҮБ-ын далбааг мандуулж, НҮБ-ын үнэт зүйлсийг дэмжиж, эв нэгдэл, хамтын хүсэл эрмэлзлэлээ илэрхийлэв.

Даян дэлхийн энхтайван, эв нэгдэл, тогтвортой хөгжил, хүртээмжтэй ногоон ирээдүйн төлөө хамтдаа!

Монголын ард түмэнд НҮБ-ын түүхт 80 жилийн ойн баярын мэнд дэвшүүлье!