С.Амарсайхан БНСУ-д сурч, ажиллаж буй монгол иргэдийн төлөөлөлтэй уулзлаа

ХЗДХ-ийн сайд С.Амарсайхан БНСУ-ын Хууль зүйн сайд Жон Сон Ху-тэй уулзаж, иргэд хооронд зорчиход үүсээд буй хүндрэл, бэрхшээлийг бодитоор тодорхойлж, шийдвэрлэх, гэмт хэргийн тоог бууруулах, эрүүл мэндийн үйлчилгээ авахаар зорчиж буй иргэдийн визний нөхцөлийг хөнгөвчлөх, хөдөлмөр болон оюутан зуучлалын үйл ажиллагаанд хяналт тавьж хариуцлагыг өндөржүүлж, шалгуурыг нарийвчлах талаар ярилцжээ.

Уулзалтын үеэр талууд жуулчдын урсгалыг нэмэгдүүлэх, хүний харилцаа, солилцоог өргөжүүлэх болон хил нэвтрэлт, цагаачлалын бодлогын хамтын ажиллагааны зөвлөл байгуулах боломжийн талаар хэлэлцсэн байна.

Сайд уулзалтын үеэр “Хоёр орны хүний харилцаа жилд 300 мянгаас давсан тул институцийн хамтын ажиллагааны суурийг улам бэхжүүлэх шаардлагатай” хэмээгээд, Монгол жуулчдын БНСУ-д зорчих нөхцөлийг хөнгөвчлөх зорилгоор энэ жил дотор групп виз (C-3-2)-ийг нэвтрүүлэх зэрэг олон төрлийн бодлогын сайжруулалт хийхээр ажиллаж байгааг онцоллоо.