МУ-ын аварга Г.Эрхэмбаяр Мастерсын дэлхийн аварга боллоо

АНУ-ын Лас Вегас хотноо энэ сарын 10-13-нд зохион байгуулагдаж буй мастерсын ДАШТ-ий бор бүсний М3 ангилалын +100 кг-ын жинд барилдсан “Их шавь” дэвжээ, “Монде” группийн тамирчин, Монгол Улсын аварга Гунаажавын Эрхэмбаяр алтан медаль хүртлээ. Энэ нь түүний гурав дахь удаагийн медаль болж байна. Тус тэмцээнийг Олон улсын жиүжицүгийн холбооноос зохион байгуулж байгаа бөгөөд манай улсаас Г.Эрхэмбаяраар ахлуулсан 19 тамирчин оролцож байгаа юм. Мөн Вашингтон хотоос Д.Сүлдбаяр хар, Ц.Мягмаржаргал, О.Эрдэнэсамбуу нар хөх, Б.Мэндбаяр, А.Өсөхбаяр нар цагаан бүсний ангилалд оролцож байна.