Ирэх сарын 1-нээс Москва-Улаанбаатарын чиглэлд нислэг үйлдэхээр болжээ

ОХУ ирэх арванхоёрдугаар сарын 1-ний өдрөөс эхлэн Аргентин, Бразил, Бангладеш, Коста Рика, Монгол гэсэн таван улсын чиглэлд иргэний агаарын тээврийн нислэгээ сэргээхээр болсныг өчигдөр тус улсын цар тахалтай тэмцэх төв мэдээллээ. Ингэснээр Москва-Улаанбаатарын чиглэлд долоо хоногт гурав, Улаанбаатар болон Улаан-Үд, Эрхүү, Красноярскийн чиглэлд долоо хоногт тус бүр нэг нислэг үйлдэхээр болжээ. Цар тахал эхэлсний дараа агаарын хилээ хаагаад байсан ОХУ өнөөдрийн байдлаар дэлхийн 71 улсын чиглэлд зорчигч тээврийн нислэгээ сэргээгээд байгаа юм.   Source: https://www.reuters.com/