Олимпийн хорооны ерөнхийлөгчөөр Б.Баттүшиг сонгогдлоо

Олимпийн хорооны ерөнхийлөгчийн сонгууль дөнгөж сая өндөрлөж, Б.Баттүшиг ялалт байгууллаа. Ерөнхийлөгчийн сонгуульд гурван нэр дэвшигч, дэд ерөнхийлөгчийн сонгуульд найман хүн өрсөлдөж байна. Хурлын эхэнд Х.Баттулга нэрээ татсан юм. МҮОХ-ны тэргүүн дэд ерөнхийлөгч Б.БАТТҮШИГ: -Чуулганаар сүүлийн таван жилийн хугацаанд хийсэн ажлыг сая танилцууллаа. Үдээс хойшхи хурлаар сонгууль болно. Дараагийн нэр дэвшигчид мөрийн хөтөлбөрүүдээ танилцуулах байх. Сүүлийн таван жилийн тайлангаас дурдвал, Олон улсын үндэсний олимпийн хороо, МҮОХ-ноос Токио, Бээжингийн олимпод тамирчдаа амжилттай оролцуулж, зуны олимпиос дөрвөн медаль хүртлээ. Паралимпиас нэг медаль хүртсэн. Энэ хүнд нөхцөл байдалд маш сайн ажилласан гэж дүгнэж байгаа. МҮОХ-ноос олимпийн эмэгтэй тамирчдад анхаарч ажиллаж байгаа. Хурлын үеэр ганц нэг хүн үзэл бодлоо илэрхийлж байна. Шүүмжлэлтэй, өрсөлдөөнтэй байх нь зөв гэж боддог. Хүн өөртөө итгэлтэй байх хэрэгтэй гэж бодож байна. Би өөртөө итгэлтэй байна.