Турк, Сири улсуудад амиа алдсан хүний тоо 36,000 давжээ

Даваа гарагт Туркийн зүүн өмнөд нутагт болсон хүчтэй газар хөдлөлтийн дараах аврах, эрэн хайх ажиллагаа үргэлжилж байна. Албаныхны хамгийн сүүлд өгсөн мэдээллээр Турк, Сири улсуудад амиа алдсан хүний тоо 36,000 давж, Туркт 31,643 хүн, Сирид 4,614 хүн амиа алдсан байна. Сирийн Ерөнхийлөгч Башар Асад НҮБ-аас Сирийн баруун хойд нутгийн босогчдын хяналтад байгаа хэсэгт Туркийн хилийн хоёр боомтоор дамжуулан тусламж хүргэхийг зөвшөөрчээ. Газар хөдлөлтийн дараа Сирид 5.3 сая хүн орон гэргүй болно гэж НҮБ тооцоолж байна. Мөн Турк, Сири улсад 900 мянга орчим хүнд яаралтай халуун хоол хэрэгтэй байгаа талаар албаныхан хэлж байна.