Улсын хэмжээнд 2021 оны 11 дүгээр сарын 30-ны өдрийн байдлаар Ковид-19-ын эсрэг вакцины зорилтот бүлгийн 1-р тунгийн хамралт 95,9 хувь, 2-р тунгийн хамралт 91,3 хувь, 3-р тунгийн хамралт 35,7 хувьтай байна. Харин нийт хүн амын 1-р тун 69,5 хувь, 2-р тун 66,1 хувь, 3-р тун 21 хувь нь вакцинд хамрагджээ.
Өссөн дүнгээр 3-р тунд 674,925 хүн хамрагдсан байна.
Өссөн дүнгээр 1-р тунд 6,347 жирэмсэн эмэгтэй, 7,312 хөхүүл эмэгтэй, 12-15 насны 180,131 хүүхэд, 16-17 насны 76,263 хүүхэд хамрагдаад байна.
Манай улсад sinovac, pfizer гэсэн хоёр төрлийн вакцинаар нэмэлт тунгийн вакцинжуулалтыг сайн дурын үндсэн дээр хийж буй.
Хэрэв та эхний 2 тунгаа sinovac хийлгэж нэмэлт тунгаа pfizer вакцинаар хольж хийлгэвэл 95 хувь хүртэл халдвараас хамгаалах чадвартай гэдгийг олон улсын судалгаагаа нотолжээ.
