Туул голын дагуу Маршалын гүүрнээс БЗД-ийн 11-р хороо хүртэлх "Унадаг дугуйн зам"-ын ажил бүрэн дууслаа
Олон нийтийн амралт, чөлөөт цагийг зөв зохистой өнгөрүүлэх эрүүл, эко орчныг нэмэх зорилготой байгуулагдсан Туул голын дагуух Маршалын гүүрнээс БЗД-ийн 11-р хороо хүртэлх 7.2 км үргэлжлэх дугуйн замын ажил бүрэн дуусаж, ашиглалтад орлоо.
Нийслэлийн төсвийн хөрөнгө оруулалтаар хэрэгжсэн энэхүү тохижилтын хүрээнд 7.2 км үргэлжлэх унадаг дугуйн зам, иргэдийн амарч суух амралтын талбай, сандал, сүүдрэвч, дугуйн зогсоол, автомашины зогсоол, замын хашлага, гэрэлтүүлэг, камер зэргийг цогцоор нь тохижуулсан байна.
