Засгийн газрын ээлжилт хуралдаан болж зарим шийдвэрүүдийг танилцууллаа.
Эрүүл мэндийн сайд С.Энхболд: Гадаад улсаас ирсэн иргэдээс Омикрон байж болзошгүй сэжигтэй тохиолдолд геномийн дараалал тогтоох шинжилгээ хийж байна. Хариу баталгаажаагүй байна. Омикрон тархах эсэх нь цаг хугацааны асуудал. Гэхдээ вакцин эрсдлээс хамгаалах хамгийн гол арга тул иргэдийг вакциндаа хамрагдахыг уриалж байна.
Өнөөдрийн байдлаар зорилтод бүлгийн 48.2 хувь вакцины III тунд хамрагдаад байна. III тунгийн судалгаатай хамт IV тунгийн вакцины судалгааг хийсэн. Нэмэлт тун тариулснаас хойш 5-6 сарын дараа эсрэг биеийн хэмжээ буурч байгаа учраас IV дэх тунг сайн дурын үндсэн дээр хийх тогтоолын төсөл гаргах бэлтгэлийг хангаж байна.
