Үрийн шингэнд коронавирус илэрчээ

Коронавирус эрэгтэй хүний үрийн шингэнээс илэрчээ. Тухайн хүн халдвар аваад эдгэсэн  ч үрийн шингэнд вирус илэрсэн тул  коронавирусийг бэлгийн замаар  халдах боломжтой байж болзошгүй гэж  БНХАУ-ын эрдэмтэд өчигдөр хийсэн мэдээлэлдээ онцоллоо. Шангю хотын эмнэлэгт 1-2 дугаар сард эмчлүүлж байсан 38 эрэгтэйд шинжилгээ хийхэд 16 хувийнх нь үрийн шингэнд коронавирус илэрсэн байна. үрийн шингэнд нь вирус илэрсэн  өвчтөнүүдийн гуравны нэг нь өвчлөлийн хурц үедээ,  9 хувь нь эдгэрсэн  байсан аж. Вирус үрийн шингэнд илрэх нь тийм ч гайхахаар зүйл биш бөгөөд Эбола болон Зика вирус ч тухайн өвчтөн эдгэснээс сарын дараа үрийн шингэнд илэрч байсан удаатай ажээ. Хэрэв коронавирус бэлгийн замаар халддаг нь дараа дараагийн судалгаагаар тодорхой болбол хэрхэн хамгаалах нь бас нэгэн анхаарууштай зүйл болно гэж Хятадын эрдэмтдийн  баг онцолсон байв.